Таваллуд айём муборак, Cакен Джетибаевич!

Сакен Джетибаевич бугун 45 ёшни қарши олди. 1975 йилнинг 22 август куни дунёга келган бугунги кун қаҳрамонимиз ихтисослиги бўйича врач-эпидемиолог. У 2002 йилда Тошкент Давлат медицина институтини тамомлаган. Лекин спортга бўлган қизиқиш тиббиётдан устун келди.

Сакен Полатов 2019 йилда бир йўла иккита спорт ташкилотига раҳбар лавозимига тайинланди. Аввалига февраль ойида Ўзбекистон бокс федерацияси раисининг биринчи ўринбосари, кейин эса июнда Ўзбекистон миллий олимпия қўмитаси вице-президенти этиб тайинланди. Ҳозир бор эътибор Токио-2020 Олимпиадасига қаратилган. 

Фурсатдан фойдаланиб, Сакен Джетибаевични бугунги унутилмас кун - таваллуд айём билан муборакбод этамиз. Спортимиз фидоийси ва жонкуярига узоқ умр, соғлик-саломатлик, оилавий бахт тилаймиз.