ТАВСИЯ ҚИЛАМИЗ! ММА тарихидаги илк "ожизалар" тўқнашуви

Юқоридаги расмда вертолёт фонида расмга тушаётган аёл - Жина Карано. Кўйлакдаги Карано қимматбаҳо машинадан тушиб келади ва ўзининг нафис бўянишини машқ қилади. Бу қандайдир бренд рекламаси эмас, балки 2009 йил Сан-Хоседа бўлиб ўтган Strikeforce турниринг асосий жанг иштирокчиларининг таништирув маросими эди. Айнан шу тариқа ММА тарихида илк бор аёллар тўқнашуви содир бўлган. 

Ўша пайтлар ажойиб эди. Трансляцияда томошабинлардан келган СМС орқали жангнинг якунига қўнғироқ қилиш сўралган. Томошабинларнинг 41 фоизи учта, 31 фоизи икки ва 14 фоизи тўрт тур учун овоз берди. Биринчи ва бешинчи турлар мос равишда 8 ва 6 фоиз овоз тўплади. 

Интервьюларда Карано ёқимли табассум билан саволларга жавоб қайтаради. ММА тарихида камера қаршисида ўзини яхши тута оладиган спортчилар кам бўлган. Жинанинг мураббийи UFC оламидаги яна бир таниқли шахс Реди Кутуре эди. Ёдингиздами, 2009 ва 2010 йилларда Лионель Месси "Олтин тўп" топшириш маросимида кўйлакда ўзини қандай ноқулай ҳис қилган бўлса, Гина бўяниш орқали ўзини чиройли қилиши унга шундай ноқулайлик яратади. 

Мутахассисларнинг тахминига кўра, муваффақиятли бўлиш учун Жина олдинги зарбалар ёки зарбалар билан масофани назорат қилиши, шунингдек, ўнг қўлини кенг траекториясиз текис чизиққа ташлаши керак. Жустино дебют жангида октагонга қарсаклар ва шарҳловчилар эркак жангчиларни таърифлагандек оҳанглар садоси остида кириб келади. 

Жинанинг рақиби Киборг жангни тезкорлик билан бошлаб, 10-сонияда Каранони партерга ағдаради. Аллаққачон 20-сонияда Жустино оёғини қулфлашга уринди. Муваффақиятсиз уруниш, аммо Каранонинг даҳшатли туши давом этарди, чунки у тиззасида турган ҳолатида бир нечта зарбалар қабул қилиб олади. Жинанинг биринчи кучли зарбаси унинг 3 та шу каби зарбани қабул қилиб олгач кузатилди. Кейин курашнинг бурилиш нуқтаси содир бўлди. Карано жангни ўз фойдасига ўзгартиришни бошлади. Аммо унинг зарбалари у қадар сезиларли эмас эди. Мураббийлари Каранога масофани сақлаб урушиш бў  йича кўрсатмалар берди. У клинчга киради ва ундан чиқиш жараёнида рақибасига чап жеб комбинациясини амалга оширади. Жустино биринчи бўлиб ортга қадам ташлайди ва танаффус олади. Янги алмашинувда у Каранонинг зарбасини тутиб, танасига бир нечта зарбалар беришга муваффақ бўлди. Киборг фақатгина Жинани уришдан чарчагач, ортга чекинди ва қайтиш жараёнида Караано ўзининг супер зарбасини берди. Ушбу зарба Жустинонинг ҳимоясига тегди, бироқ ўта кучли эканлиги боис у масофани яқинлаштиришга ўтди. 

Биринчи раунд тугашига икки дақиқа қолганида, Каранонинг имкониятлари жуда пасайиб кетади. У ҳимояни яхшилаб, кучлироқ қаршилик кўрсатиш тактикасига ўтади. Жинанинг зарбаларида куч қолмаганди, бу каби манзилсиз зарбалар фонида Жустино "Терминатор" янглиғ олдинга интиларди. Дастлабки раунднинг сўнгги дақиқасида жанг яна партерга кўчди. Чиройли ғалаба қозониш учун қилинган уринишлар ниҳоят қўпол тажовуз ва чалқанча ётган Каранога пастга зарбалар учун йўл очади. 

Ниҳоят, Карано жавоб беришни бошлади, ҳакам жангнинг тугаши ҳақида сирена янграганидек баҳсни тўхтатди. Жустино ғалабани нишонлаяпти, лекин дуэлнинг тўхтаб қолганидан норози ёки бразилияликларга нисбатан душманлик қилаётган мухлисларга дуч келди. Якуний қарорлар Карано кучли зарбалар берганини акс эттирмади. Киборг тик турган ҳолда 36 та (Жина 24 та) ва партерда 11 та зарба (Жина 8 та) бергани очиқланди.

Ўша жангдан сўнга Карано ва Жустино ўз йўлларидан кетди. Бунинг аксини тасаввур қила олмайсиз - бразилиялик Киборг Аманда Нуньесга мағлуб бўлгунига қадар 10 йил жанг қилди ва ютқазмади. Карано бўлса ММА`да бошқа жанг қилмади ва актрисалик фаолиятини ривожлантирди. Унинг қайтиши ҳақида миш-мишлар пайдо бўлди, бироқ булар миш-мишлигича қолди.

Ўша жангдан олдин Карано ҳақиқий юлдуз сифатида қабул қилинган. У турнирда бошқалардан бир неча маротаба кўп даромад қилган. Расмий маълумотларга қараганда, у ўша жангда 125 минг доллар пул ишлаганди. Strikeforce турнири Showtime тармоғи учун рекорд бўлди, оқшомнинг асосий жангини 850 мингдан ортиқ инсон томоша қилганди.

Бугунги кунда 38 ёшли Киборг ММА саҳнасида ҳукмронлик қилишда давом этмоқда. 41 ёшли Карано эса бир нечта унутилмас фильмларда суратга тушишга улгурди.