15 апр 13:08
Янгиликлар

Гимнастика

Тахмина Икромова Жаҳон кубоги босқичида шоҳсупага кўтарилди

Болгариянинг София шаҳрида бадиий гимнастика бўйича Жаҳон кубоги босқичининг навбатдаги босқичи якунланди.

Унда иштирок этган Ўзбекистон терма жамоаси 1 та кумуш медалга сазовор бўлди.

Ҳамюртимиз Тахмина Икромова тўп билан машқ дастурида 34.050 балл билан иккинчи ўринни эгаллади. Шунингдек, у булавадаги машқда 30.750 балл билан бешинчи, халқадаги дастурда эса 33.300 балл билан олтинчи натижани қайд этди.