19 июл 19:11
Янгиликлар

Гимнастика

Тахмина Икромова Универсиада олтин медалини қўлга киритди

Ўзбекистон спорт делегацияси Германияда давом этаётган ёзги Универсиада ўйинларидаги илк олтин медалига эга бўлди.

Бадиий гимнастикачимиз Тахмина Икромова яккалик баҳсларнинг ҳалқа (обруч) йўналишида 29, 850 балл билан Универсиада ўйинлари чемпионига айланди. Германиялик Анастасия Симакова кумуш, венгриялик Фанни Пигнички бронза медали билан тақдирланди.

1. Тахмина Икромова (Ўзбекистон) - 29.850

2. Анастасия Симакова (Германия) - 29.150

3. Фанни Пигнички (Венгрия) - 27.200

Бу Тахминанинг ушбу мусобақадаги иккинчи медали бўлди. У кўпкураш дастурида кумуш медалга сазовор бўлган эди.