Тайгер Вудснинг Nike билан шартномаси якунланди, бу миллиардлар олиб келганди

Ушбу келишув 27 йил (1996 йилдан буён) амалда бўлди. 

Шартнома Тайгер Вудсга 460 миллион доллар, компанияга эса миллиардлаб долларлар олиб келган. 

"27 йил олдин мен таниқли брендлардан бирининг бир қисми бўлишга муваффақ бўлгандим. Ўшандан бери ўтган вақт ёдда қоларли воқеалар, ёрқин хотираларга бой бўлди, мен булар ҳақида тўхтамай гапириб беришим мумкин. 

Бош директор Фил Найт бошчилигида Nike Golf лойиҳасини яратдик. Бунинг учун шахсан унга раҳмат айтаман, шунингдек бошқа ходимлар ва спорт арбобларига ҳам. Мен сизлар билан ишлашдан завқ олдим. Одамлар мендан янги саҳифа бўладими ёки йўқми деб сўрашди. Ҳа, маълум маънода бўлади. Лос-Анжелесда кўришгунча! Тайгер", - деб ёзди Вудс ижтимоий тармоқдаги саҳифасида.