Тайсон Фьюри: "Агар гап сотиш учун чемпионлик камарлари берилганда, мен мутлақ жаҳон чемпиони бўлардим"

У жанг олдидан ўзаро сўзлашувлар (трэш-ток) ва бу борада амал қиладиган тамойиллари ҳақида гапириб берди.

"Мен учун [рақиб билан сўзлашиш] ҳеч қачон муаммо бўлмаган, — деди Фьюри ALF Global нашрига берган интервьюсида. — Гапириш — менинг энг яхши уддалайдиган ишим. Агар гап сотиш учун чемпионлик камарлари берилганда, мен мутлақ жаҳон чемпиони бўлардим... Фаолиятимнинг бошиданоқ рақибларимни масхара қилиб келганман. Мен учун бу психологик курашнинг бир қисми эмас. Бокс — бу шоу-бизнес. Бокс — бу Голливуд, бу кино. Томошабинларни кўнгилхушлик билан таъминлаш керак, шунинг учун улар Тайсон Фьюрининг жангини ёки матбуот анжуманини томоша қилишганда, албатта, шоу кўришади. Улар айнан шу учун томоша қилишади. Улар ақлдан оздирадиган шоу бўлишини ва нимадир содир бўлишини билишади. Бу худди циркдек гап".

"Қоидаларимдан бири — рақибимнинг оиласи: рафиқаси ёки фарзандлари ҳақида ҳеч қачон гапирмаслик, — дея қўшимча қилди Фьюри. — Мен жангчини истаганча ҳақорат қилишим мумкин, лекин унинг оиласига тегмайман. Рақибим ҳам, худди мен каби, шоу-бизнесда ишлайди. У оғзаки ҳужумларга тайёр бўлиши керак... Лекин бокс мен учун шахсий адоват билан боғлиқ эмас — бу шунчаки бизнес. Шунинг учун матбуот анжуманларида ёки жангни тарғиб қилиш жараёнида айтган барча гапларим кимдирга қарши шахсий адоватдан келиб чиқмайди".