Теннис. Бугун Ўзбекистон - Хитой учрашуви бошланади

Мазкур учрашув ғолиби жаҳон лигаси йўлланмаси учун ўтказиладиган плей-офф босқичида қатнашиш хуқуқига эга бўлади. Дэвис Кубоги баҳсларида бу икки терма жамоа шу кунга қадар саккиз бор тўқнаш келган. Бешта учрашувда терма жамоамиз теннисчиларининг қўллари баланд келган. Қолган учта ўйинда хитойликлар зафар қучишган.

Ўтган икки йил ичида ҳар икки терма жамоа таркибида сезиларли ўзгаришлар кузатилмади. Хитой квартетининг етакчиси 25 ёшли Ди У. Бугунги кунда Ди дунё рейтинг жадвалида 175-ўринда бормоқда.

Шунингдек, Тошкентга келган Хитой терма жамоаси таркибидан Цзе Жанг, МаоКсин Гонг ҳамда Чже Ли жой олган. Ўзбекистон терма жамоаси таркибига эса Денис Истомин Фаррух Дўстов, Санжар Файзиев ҳамда истеъдодли ёш теннисчимиз Жўрабек Каримов киритилган.

Таққослаш учун, жамоамиз етакчиси Денис Истомин дунё рейтингида 97-ўринни эгаллаб турибди.