10 апр 19:48
Янгиликлар
Бокс/ММА
Теофимо Лопес 11 июнь куни собиқ мутлақ жаҳон чемпионига қарши жанг ўтказади
Top Rank промоутерлик компанияси 11 июнь куни Нью-Йоркда бўлиб ўтадиган бокс оқшомини эълон қилди.
Кечанинг асосий баҳсида ярим ўрта вазн тоифасида (63,5 кг гача) собиқ мутлақ жаҳон чемпиони британиялик Жош Тейлор (19-0, 13 КО) енгил вазнда собиқ чемпион америкалик Теофимо Лопес (18-1, 13 КО) билан WBO йўналиши чемпионлиги учун жанг қилади.
Маълумот учун, Жош Тейлор 32 ёшда. Британиялик боксчи Бутунжаҳон бокс супер серияси (WBSS) ғолиби ва ярим ўрта вазн тоифасида собиқ мутлақ жаҳон чемпиони ҳисобланади. Айни пайтда у фақат WBO камарига эга.
Теофимо Лопес эса 25 ёшда. Боксчи енгил вазнда собиқ жаҳон чемпиони (61,2 кг гача). 2021 йил охирида австралиялик Жорж Камбососга мағлуб бўлгач, Лопес кейинги дивизионга кўтарилганини эълон қилди.
Ҳавола :
Манба : championat.com
Фикрлар