13 июн 16:49
Янгиликлар

Бокс/ММА

Теофимо Лопес фаолиятини якунлаганини эълон қилди

Енгил вазн тоифасида собиқ жаҳон чемпиони, америкалик Теофимо Лопес 11 июнь куни британиялик Жош Тэйлорни мағлубиятга учратганди.

Айнан якшанба тонгидаги жангидан сўнг у фаолиятини якунлаганини маълум қилди.

"Анча енгил тортдим! Бокс менга ва менинг яқинларимга берган ажойиб ҳаёт учун раҳмат", - деб ёзди Лопес ижтимоий тармоқдаги саҳифасида.

Эслатиб ўтамиз, 25 ёшли Теофимо Лопес профессионал рингдаги дебютини 2016 йилда ўтказган. 2019 йил декабрида енгил вазнда WВО чемпиони ганалик Ричард Коммини иккинчи раундда мағлуб этиб, биринчи марта чемпионлик камарини қўлга киритган.

2020 йилнинг октябрь ойида украиналик Василий Ломаченко устидан ғалаба қозониб, WВО, WВА ва IBF чемпионлик камарларини ўз қўлида бирлаштирган эди.