11 июн 09:34
Янгиликлар
Бокс/ММА
Теофимо Лопес Жош Тейлорни енгиб, WBO камари соҳибига айланди!
Бугун тонгда Америка Қўшма Штатларининг Нью-Йорк штатида жойлашган "Madison Square Garden" аренасида профессионал бокс оқшоми бўлиб ўтди.
Мазкур оқшомнинг марказий жанги биринчи ярим ўрта вазн тоифаси вакиллари - шотландиялик Жош Тейлор ҳамда АҚШ вакили Теофимо Лопес ўртасида кечди. 12 раундга мўлжалланган чемпионлик жанги тўлиқ давом этди ва унда ҳакамларнинг якдил қарори билан 117-111, 115-113, 115-113 ҳисобларида 25 ёшли Теофимо ғалаба қозониб, Жош Тейлорнинг WBO чемпионлик камарини ўзиники қилиб олди.
Маълумот учун, бу Жош Тейлор учун фаолияти давомидаги илк мағлубияти бўлди. Лопес эса ўзининг ўн тўққизинчи ғалабасини тантана қилди, унинг ҳисобида шунингдек, битта мағлубият ҳам мавжуд.
Ҳавола :
Манба : olamsport.com
Фикрлар