Теофимо Лопес "Top Rank" билан келишувни бекор қилмоқчи

"Ҳозир мен ҳамкорлик қилаётган ESPN ва "Тоp Rank" компанияларини яхши кўраман. Аммо бу бизнес. Ҳамма нарса шу билан боғлиқ, бу шахсий нарса эмас. Агар биз келиша олмасак, унда мен бор қобилиятимни ишга солиб ҳаракат қиламан.

Қаршингизда дунёдаги энг яхши жангчи турибди. Сизнинг севимли жангчингиз - Теофимоман. Бу ўз изини қолдиради ва буни ҳамма тушуниши керак. Мен кимлигимни исботладим. Мен дивизионнинг энг яхши боксчисиман. Шон-шараф қозониш учун шу ердаман, олдинга боришни хоҳлайман. Айтганимдек, агар сиз шартларимни қабул қилишни истамасангиз, унда биз бошқа жойга борамиз", - деди Лопес.

Эслатиб ўтамиз, Теофимо Лопес Жорж Камбососга қарши жанг учун ўз промоутерлари билан бадал миқдори бўйича келиша олмаганди. Шу сабабли "Тоp Rank" промоутерлик савдосини ташкил этишга қарор қилганди.