Теофимо Лопеснинг эҳтимолий рақиби маълум бўлди

Енгил вазн тоифасида собиқ мутлақ жаҳон чемпиони Теофимо Лопес (16-1, 12 КО) ўз вазнини ўзгартиришга яқин турибди.

У ўрта вазнга ўтишни ва ҳамюрти Арнолд Барбоза Жуниорга (26-0-0, 10 КО) қарши жанг қилишни режалаштирмоқда. "Top Rank" промоутерлик компанияси вакили Брюс Трамплер Арнолдга жангни ташкил этиш таклифи билан чиқди.

"Кел, Арнолд. Теофимо Лопес шу кунларда отаси билан бўлди. У бир неча ойдан кейин яна жанг қилиши керак, лекин отаси кейингиси сен бўлишингни хоҳлашини айтди. Кел, унинг соғлиғи қандай эканлигини кўриб чиқайлик", — деб ёзди Трамплер ўз твиттер саҳифасига.

Эслатиб ўтамиз, 2021 йилнинг октябрь ойида ўтказилган сўнгги жангида Лопес сенсацион тарзда Камбососга мағлуб бўлган. 

Аввалроқ, австралиялик боксчининг Лопес устидан қозонган ғалабаси "The Ring" талқинига кўра йил хафагарчилигига айлангани хабар қилинганди.