Теофимо Лопеснинг навбатдаги рақиби ва жанг санаси маълум

Top Rank промоутерлик компанияси ушбу жангни расман эълон қилди. Жанг 10 декабрь куни АҚШнинг Нью-Йорк шаҳридаги Madison Square Garden аренасида бўлиб ўтади.

"Теофимо Лопес бошчилигидаги супер иқтидорли жангчилар 10 декабрь куни Madison Square Garden аренада бўлиб ўтадиган бокс оқшомида иштирок этади. Бу жуда ўзгача кеча бўлади. Лопес 2023 йилда ярим ўрта вазн тоифасида жаҳон чемпионлиги учун жанг ўтказишни мақсад қилган. 

Хосе Педраса Пуерто-Риколик жангчи, у чемпионлик курашиши учун яна бир имкониятга эга бўлмоқчи. Бокс оқшомида Жаред Андерсон, Касандер Зайас ва Кишон Дэвис билан биргаликда суперюлдузга айланиши мумкин бўлган яна учта жангчи чиқиш қилади", - дея Top Rank раҳбари Боб Арум сўзларини келтирган Boxing Scene.

Эслатиб ўтамиз, енгил вазн тоифасида собиқ жаҳон чемпиони Теофимо Лопес яримўрта вазн тоифасида 12 август куни дебют жангини ўтказган эди.