Термизда 100 000 долларлик кураш мусобақаси олдидан матбуот анжумани ўтказилди ФОТОГАЛЕРЕЯ

Ҳар икки йилликнинг энг нуфузли Кураш байрамларидан бири ҳисобланган мазкур мусобақада дунёнинг 50 га яқин давлатидан 100 нафардан энг зиёд сара полволлари иштирок этади.

Жорий йилги халқаро турнирнинг соврин жамғармаси 100 минг АҚШ долларини ташкил этади. Мутлақ вазн бўйича ғолиб чиққан спортчи Ўзбекистон Республикаси Президенти соврини - 10 минг АҚШ доллари билан тақдирланади.

Ўз тарихида 14-бор ташкил этилаётган халқаро турнирга Кураш бўйича Жаҳон чемпионлари, Осиё ўйинлари ғолиблари ташриф буюрдилар. Кеча Термиздаги “Меридиан” меҳмонхонасида мусобақа олдидан матбуот анжумани бўлиб ўтди. 

Унда замонавий Кураш асосчиси, Ўзбекистон кураш федерацияси раисининг биринчи ўринбосари Комил Юсупов, шунингдек, Афғонистон, Латвия, Греция, Хитой Тайпейи, Мўғулистон ва бошқа мамлакатлардан келган меҳмонлар журналистларнинг саволларига жавоб қайтардилар.

Ўзбек Кураши мухлисларининг севимли полвони сифатида эътироф этиладиган Александр Кацураги Бразилия терма жамоаси устози сифатида шогирдларини баҳсларга олиб тушади.

Суратлар муаллифи - Алимурод Мамадаминов