26 июн 15:37
Янгиликлар

Теннис

Тэйлор Фритц Истбурнни забт этди

Буюк Британиянинг Истбурн шаҳрида майса қопламали ATP турнири якунланди.

Дунёнинг 14-ракеткаси Тэйлор Фритц мусобақа бош совринини қўлга киритди. Америкалик теннисчи финал учрашувида ватандоши, рейтингнинг 60-поғонасидан жой олган Максим Крессини 6/2, 6/7(4), 7/6(4) ҳисобида мағлубиятга учратди.

Финал баҳси 136 дақиқа давом этган. Унда Тэйлор 17, Максим 11 та эйс зарбасини амалга оширган. Бу теннисчиларнинг ўзаро ўтказган илк учрашуви эди. Истбурндаги муваффақиятли иштирок Фритцга 250 рейтинг очкоси ҳамда $106,075 мукофот пули келтирди.