Тезкор. UFC Богдан Гусковга топ-15 дан рақиб берди. Жанг санаси ва манзили маълум. Ҳамюртимиз co main event'да жанг қилади!

Ҳамюртимиз 27 апрель куни Лас-Вегасдаги (АҚШ) UFC Apex аренасида ташкил этиладиган UFC Vegas 91 турнирида октагонга кўтарилади. 

Аҳамиятлиси, Богдан Гусковга бу сафар ярим оғир вазн тоифасида UFC рейтингида ўн биринчи ўринни эгаллаб турган америкалик Раян Спэнн рақиблик қилади. 

Жанг турнирнинг co main event беллашуви сифатида ташкил этилади. Марказий жанг португалиялик Манель Капе ҳамда Бразилия вакили Матеус Николау ўртасида кечади.

Маълумот учун, 32 ёшли Раян Спэнн шу кунгача 30 та жанг ўтказиб, 21 та ғалаба ва 9 та мағлубият қайд этган. У охирги жангини Гусковнинг чин маънодаги қиёфадоши Энтони Смитга қарши ўтказиб, очколар ҳисобига кўра мағлуб бўлган.

Богдан Гусков эса 18 та жангда 15 та ғалаба ва 3 та мағлубият қайд этган. У ўзининг сўнгги жангида Зак Паугани нокаутга учратган эди.

Аввалроқ, Гусков лига билан яна тўртта жангга шартнома имзолаганини айтган эди.