10 июн 08:51
Янгиликлар

Теннис

The HSBC Championships. Кудерметова дунёнинг 28-ракеткасига қарши кортга чиқди

Лондон шаҳрида теннис бўйича WTA 500 тоифасига кирувчи, мукофот жамғармаси 1 млн 915 минг долларни ташкил этувчи нуфузли турнир давом этмоқда.

Мамлакатимизнинг учинчи ракеткаси Полина Кудерметова мусобақанинг саралаш баҳсларидаги икки ғалабаси эвазига асосий тўрга етиб келганди. Кеча вакиламиз 1/16 финалда дунёнинг 28-ракеткаси, чехиялик Мари Бузковага қарши кортга чиқди. Етмиш икки дақиқа давом этган баҳсда тажрибали Бузкова ортиқча қийинчиликсиз ғалаба қозонди - 6/0, 6/3.

Таққослаш учун, Полина Кудерметова WTA рейтингида 121, Мари Бузкова 28-ўринни эгаллаб турибди. Бу теннисчиларнинг ўзаро ўтказган илк учрашуви эди. Полина 3, Мари 1 та эйс зарбасини амалга оширди. Қўшхатолар 8 га 0 кўринишида Кудерметова "фойдасига" бўлди.