Тим Цзю Брайан Мендосани мағлуб этди ва WBO камарини муваффақиятли ҳимоя қилди

Унинг марказий жанги биринчи ўрта вазнда WBO йўналиши бўйича жаҳон чемпиони, австралиялик Тим Цзю ва WBC Interim (вақтинчалик) камари соҳиби, америкалик боксчи Брайан Мендоса ўртасида кечди.

Жанг тўлиқ 12 раунд давом этди ва унда Тим Цзю ҳакамларнинг якдил қарори билан (116-111, 116-112, 117-111) Брайан Мендосани мағлубиятга учратди. Бу ғалабаси орқали Тим Цзю ўзининг WBO чемпионлик камарини муваффақиятли ҳимоя қилди.

28 ёшли Цзю аввалги жангини июнь ойида ўтказиб, мексикалик Карлос Окампони биринчи раунддаёқ нокаут билан мағлуб этганди. Унинг ҳисобида 24 та ғалаба (17 таси нокаут) мавжуд.

29 ёшли Мендоса эса сўнгги жангини апрель ойида Себастян Фундорага қарши ўтказиб, нокаут билан ғалаба қозонган эди. Унинг ҳисобида 22 ғалаба (16 та нокаут) ва учта мағлубият бор.