10 мар 12:13
Янгиликлар

Бокс/ММА

Тим Цзюга мағлубиятсиз рақиб берилди + ПОСТЕР

Биринчи ўрта вазн тоифасида собиқ WBO чемпиони Тимофей (Тим) Цзю ўзининг навбатдаги жангини ўтказади.

У 5 апрель куни Австралиянинг Вуллонгонг шаҳрида албаниялик боксчи Денис Нуржага қарши рингга кўтарилади.

31 ёшли Нуржа профессионал боксда 20 та жанг ўтказиб, барчасида ғалабага эришган. Тўққизта жангини муддатидан олдин якунлашга муваффақ бўлган, аммо ҳеч қачон жаҳон даражасидаги рақиблар билан тўқнаш келмаган.

Тим Цзю 26 та ғалаба (18 таси муддатидан олдин) ва 3 та мағлубият қайд этган. Унинг жамоаси Нуржага қарши жангни жорий йилнинг иккинчи ярмида бўлиб ўтадиган собиқ жаҳон чемпиони Эррол Спенсга қарши жангга тайёргарлик босқичларидан бири сифатида кўрмоқда.