16 май 17:01
Янгиликлар

Теннис

Тимнинг Рим таътиллари якунланди

Дунёнинг тўртинчи ракеткаси Доминик Тим Италия пойтахти Рим шаҳрида ўтказилаётган "Мастерс" турнирида мағлубиятга учради.

Австриялик теннисчи Internazionali BNL d'Italia турнирининг иккинчи даврасида рейтингнинг 38-поғонасидан жой олган испаниялик Фернандо Вердаскога 6/4, 4/6, 5/7 ҳисобида имкониятни бой бериб қўйди.

Учрашув 2 соату 43 дақиқа давом этган. Доминик 5, Фернандо эса 6 та эйс зарбасини амаоҳлга оширди. Вердаско рейтингда қуйироқда жойлашганига қарамай ўзаро учрашувларнинг барчасида ғалаба қозонган - 4:0. Фернандо учинчи босқичда россиялик Карен Хачановга қарши кортга чиқади.