21 янв 11:33
Янгиликлар

Теннис

Тимофеева Баҳрайн турнирдаги иштирокини ғалаба билан бошлади

Баҳрайн пойтахти Манама шаҳрида теннис бўйича W75 тоифасига кирувчи, мукофот жамғармаси 60 000 АҚШ долларини ташкил этувчи турнир бўлиб ўтмоқда.

Унда мамлакатимизнинг иккинчи ракеткаси Мария Тимофеева ҳам ўз имкониятини синаб кўряпти. Вакиламиз турнирда тўртинчи рақам остида сараланган. У 1/16 финалда россиялик Анастасия Тихоновага қарши кортга чиқди. Икки соату тўрт дақиқа давом этган баҳсда Тимофеева икки сетда ҳам бир хил ҳисобда ғалаба қозонди - 6/4, 6/4.

Таққослаш учун, Мария Тимофеева WTA рейтингида 138, 24 ёшли Тихонова эса 250-ўринни эгаллаб турибди. Бу теннисчиларнинг ўзаро ўтказган тўртинчи учрашуви бўлди 4:0. Энди Мария эртага 1/8 финалда америкалик Кэрол Янг Со Лига қарши кортга чиқади. 24 ёшли асли осиёлик бу теннисчи ҳозирда WTA рейтингида 210-поғонадан жой олган.