01 авг 16:14
Янгиликлар

Токио-2020, Олимпия ўйинлари, Қизиқарли!

Токио Олимпиадасига бир йил қолди. Рекорд бинолар ва маблағлар. Япония пойтахти мусобақага қандай тайёрланмоқда? + ФОТО

Теглар : Токио-2020

Токио Олимпиадаси кейинги йилнинг 24 июль куни бошланади.

Мусобақалар жами 42 та иншоотда ташкил этилади. Баъзилари янги, баъзилар эса Олимпиада-64 да фойдаланилган бинолардир.

Токио-64 га ҳурмат ҳамда келажак бинолари

Токио Олимпиадасида рекорд миқдорда - 42 та бинолардан фойдаланилади. Кўп ареналар бир-бирига яқин жойлашган, бу эса мухлислар ҳамда спортчиларга яхшигина қулайлик туғдиради.

Олимпия ўйинлари - 2020 келажакка йўл: роботлар, бошқарувсиз транспорт, сунъий ёмғирлар

Олимпия шаҳарчаси икки қисмига бўлинган: биринчиси - анъанавий ҳудуд, иккинчиси - замонавий ҳудуд. Биринчи ҳудудда Олимпиада-64 мусобақасидан қолган бинолар ҳамда ареналар жойлашган бўлса, иккинчи қисмда замонавий ареналарни кўришингиз мумкин. Икки ҳудуднинг бирлашишидан эса ўтмиш ҳамда келажак рамзини келтириб чиқариш мумкин.

Мусобақалардаги 42 та бинодан 24 таси эски, 8 таси янги бинолар, қолган 10 таси эса вақтинчалик ареналар ҳисобланади. Олимпиада якунлангандан сўнг кўплаб бинолар ташландиқ бўлиб қолмаслигига ХОҚ қаттиқ умид қилмоқда. Сабаби Рио-2016 дан сўнг кўплаб иншоотлар кераксиз бўлиб қолгани маҳаллий аҳолига ёқмаган ҳамда кўчаларда ҳукуматга қарши акциялар ўтказганди.

Бир неча ҳафта аввал Токио аҳолиси ҳам Олимпия ўйинларининг молиявий буджети катта бўлиб кетаётгани учун норозилик акциясини ўтказганди. Дастлаб, умумий ҳисобда Олимпиадага 7 миллиард доллар маблағ ажратилганди, кейинчалик бу сумма 12,6 миллиарддан 20 миллиардга ортиб кетди. Лекин, Япония бу маблағни чиқариб олиши мумкин. Чунки мамлакатнинг туристик салоҳияти жуда юқори ҳисобланади.

Эски стадиони бузиб ташлашди, янгиси билан муаммо чиқди

Токио аҳолисининг норозилигига яна бир сабаб - асосий майдоннинг қурилиши бўлди. Сабаби, Олимпиада-1964да қурилган стадиони бузиб ташлаб, унинг ўрнига янгисини қуришмоқда.

Марказий стадионинг дастлабки лойиҳаси инглиз архитектори Заха Хадид томонидан ишланганди, лекин стадион қурилишига 2 миллиард доллар кераклиги сабабли бу лойиҳадан воз кечилди. Унинг ўрнига маҳаллий архитектор Кенго Кума томонидан ишлаб чиқилган стадионни қуришни афзал кўришди. Миллий стадион (расмий номи) Олимпия ўйинларининг очилиш ҳамда ёпилиш маросими, шунингдек, енгил атлетика мусобақалари ва футболнинг финал баҳси ўтказилади.