Том Аспиналл Эдди Хирн билан шартнома имзолади

Ушбу келишув доирасида Эдди Хирн Том Аспиналлнинг менежери сифатида ишлайди.

"Мен ўз фаолиятимни спортчилар менежери сифатида бошлаганман ва ўтган 30 йил ичида халқаро юлдузларни кашф этиш, юзага чиқариш бўйича улкан тажрибага эга бўлдим, - деди Хирн. - Уларнинг йўли бизнинг йўлимиз. Уларнинг муваффақияти бизнинг вазифамиз. Оғир вазн тоифасида UFC чемпиони Том Аспиналл ушбу тамойилларнинг идеал тимсоли ва жамоамизнинг биринчи иштирокчиси ҳисобланади. Биз бошқалар салоҳиятни буюкликка айлантириш учун тўсиқларни кўрган жойда имкониятлар яратилишига ишонамиз".

Аввалроқ, Аспиналл ва унинг отаси (унинг мураббийи ҳам) аралаш яккакурашлардан боксга ўтиш ниятида эканликларини маълум қилишган эди, аммо ҳозирча бу ҳақда гап кетмаяпти ва Хирн Томнинг UFC билан шартномаси доирасида унинг ишларини бошқаради.

Эслатиб ўтамиз, бир муддат аввал UFC раҳбари Дана Уайт Эдди Хирннинг энг машҳур боксчиларидан бири Конор Беннни рекорд даражадаги гонорар - 15 миллион доллар эвазига ўзининг Zuffa Boxing бокс лигасида битта жанг ўтказиш учун ўз томонига оғдириб олган эди.