17 апр 09:49
Янгиликлар

Бокс/ММА

Том Аспиналл ўз ватанидаги UFC турнирига таклиф қилинмади

Теглар : Том Аспиналл UFC Fight Night 270

Кўпчиликни Том Аспиналлнинг Лондонда бўлиб ўтган UFC Fight Night 270 турнирида иштирок этмагани ажаблантирди.

Оқшомнинг асосий жангида россиялик Мовсар Евлоев ва британиялик Лерон Мерфи ўзаро октагонда тўқнаш келганди. Томнинг ўз юртидаги турнирда йўқлиги лига раҳбарияти уни тадбирга таклиф қилмагани билан изоҳланади.

Бу ҳақда Аспиналлнинг агенти Эдди Хирн Ариэль Хельванига берган интервьюсида маълум қилди.

"У умуман таклиф қилинмаганидан жуда ҳайрон бўлди. Том турнир куни тахминан соат 18:00`да Дан Уайтдан хабар олди: "Бугун кечқурун келишни хоҳлайсанми?" Том эса аренадан беш соатлик йўлда яшайди, шунинг учун бу умуман вариант эмас эди. Бир томондан эса, келинг тан олайлик - бу кардда машҳур исмлар йўқ эди", - деди Хирн.

Айни пайтда Том Аспиналл ўтган йилнинг октябрь ойида Сирил Ганга қарши жангда кўзидан олган жароҳатини даволаш билан банд.