Тўрт нафар қиличбозимиз Туркиядаги мусобақада иштирок этди

Турнирнинг сабля йўналишидаги баҳсларда тўрт нафар спортчи юртимиз шарафини ҳимоя қилди. 

Мусобақада иштирок этган спортчиларимиз - Зайнаб Дайибекова, Севинч Исмоилова, Паола Плиего ва Яна Обвинцевалар саралаш босқичида муваффақиятли иштирок этиб, асосий тўрга йўл олишди. Айниқса, Зайнаб Дайибекова пулькада барча рақибаларини мағлуб этгани диққатга сазовор. 

Асосий даврада эса афсуски спортчиларимиздан омад юз ўгирди. Зайнаб Дайибекова аввалига туркиялик Бегум Алкаяни мағлуб этди, кейин эса бошқа бир мезбон қиличбоз Нисонур Ербилга ютқазиб қўйди. 

Севинч Исмоилова асосий даврадаги илк жангида озарбайжонлик Сабина Каримовага мағлуб бўлди. 

Паола Плиего эса аввалига туркиялик Рана Каядан устун келди. Иккинчи босқичда эса озарбайжонлик Анна Баштадага имкониятни бой бериб қўйди. 

Яна Обвинцева қиличбозларимиз ичида энг яхши натижани кўрсатди. У аввалига канадалик Марисса Понични, кейин эса озарбайжонлик Севиль Буятовани мағлуб этди. Чорак финалда эса канадалик Габриела Пейжга ютқазиб қўйди ва якунда 7-ўрин билан кифояланди. 

Мусобақада якуний натижалар қуйидагича кўриниш олди: