22 авг 18:32
Янгиликлар

Самбо

Тўрт нафар самбочимиз финалга йўл олди

Теглар : Самбо

Санкт-Петербург шаҳрида FIAS президенти соврини учун мусобақа давом этмоқда.

Ҳозирча мусобақада саралаш баҳслари ортда қолди. Қувонарлиси, баҳсларда қатнашаётган самбочиларимизнинг тўрт нафари финал босқичи йўлланмасига эга чиқди.

-64 кг вазнли ҳамюртимиз Ҳомиджон Мўминов мусобақа давомида Беларусь ва Арманистон вакилларини мағлубиятга учратиб, олтин медаль учун курашиш имконига эга бўлди.

-71 кг вазнли Сарбон Эрназаров Қозоғистон ва Франция вакилларини мағлуб этди.

-79 кг вазн тоифасидаги спортчимиз Улуғбек Раҳмонов Болгария ва АҚШ вакилларидан устун келди.

-88 кг вазнли Ихтиёр Эшмуродов Марокаш ва Тожикистон самбочиларини таслим этди.

Энди юқоридаги тўрт нафар самбочимиз кечки дастурда олтин медаллар учун кураш олиб боради.

Финал беллашувлари Тошкент вақти билан соат 19:00дан сўнг бошланади.