Тошкент - Чимкент веломарафони бўлиб ўтди

Бугун, 24 март куни ана шундай мусобақалардан бири старт олди. Ўзбекистон Миллий олимпия қўмитаси кўмагида ҳаваскорлар ўртасида велопойга ташкил этилди.

Турнир старти бугун Қозоғистон Республикасининг Ўзбекистондаги элчихонасининг янги биносида ташкил қилинди. Тадбирда Ўзбекистон Жисмоний тарбия ва спорт вазири Шоакрам Исроилов, унинг ўринбосари Ойбек Касимов, МОҚ Бош котиби Жасур Матчанов, Ўзбекистон велосипед спорти федерацияси раисининг биринчи ўринбосари Козим Ўринбойхўжаев, шунингдек, Қозоғистон Республикасининг фавқулотда ва мухтор элчиси Ерик Утембаев, Жанубий Қозоғистон вилояти ҳокими ўринбосари Ербол Садир, Чимкент шаҳри ҳокими Қайрат Нуртай, Қозоғистон велоспорт федерациясининг биринчи вице-президенти Райимбек Баталов ва ОАВ ходимлари иштирок этишди.

Тадбирнинг бадиий қисмидан сўнг жаноб элчи Ерик Утембаев, вазир Шоакрам Исроилов ҳамда Тошкент шаҳри ҳокими ўринбосари Нозим Ҳусановлар барча иштирокчиларни байрам билан табриклаган ҳолда, уларга марафонда омад тилади.

Соат 10:00да старт олган велопойгада Қозоғистондан 114, Ўзбекистондан эса 40 нафар ҳаваскор спортчилар иштирок этишди. Йўналишнинг умумий масофаси 130 км ни ташкил этди.

Бундан бир неча дақиқа олдин марафон иштирокчилари Чимкент шаҳрига етиб боришди.