12 ноя 18:14
Янгиликлар

Дзюдо

Тошкент шаҳри ва вилоятида саралаш мусобақаси бошланди

Узоқ давом этган карантиндан кейин ниҳоят, 4-6 декабрь кунлари дзюдо бўйича катталар ўртасидаги илк республика миқёсидаги мусобақа бўлиб ўтади.

Аниқроғи, белгиланган саналарда Ўзбекистон чемпионати ўтказилади. Катталар ўртасидаги мусобақага пойтахтимиздаги Ўзбекистон таэквондо ассоциациясига қарашли "Универсал" спорт саройи мезбонлик қилади. Уч кун давомида эркаклар ва аёллар ўртасида жами 14 та вазн тоифасида ғолиб ҳамда совриндорлар аниқланади.

Бугундан Тошкент шаҳри ва вилоятида Ўзбекистон чемпионатида иштирок этувчи таркибни аниқлаб берадиган саралаш мусобақаси бошланди. Навбати билан қолган вилоятлар ҳамда Қорақалпоғистон Республикасида худди шундай саралаш турнирлари ўтказилади.