Тошкент шаҳрида янги самбо зали очилди, самбочи болакайлар учун спорт байрами ташкил этилди + ФОТО

Ички Ишлар вазирлиги қошидаги 1-академик лицейда махсус самбо зали ўз фаолиятини бошлади. Шу муносабат билан мазкур янги залда кичик ўсмирлар ўртасида очиқ чемпионат ташкил қилинди. 

Унда "Чорвоқ", "Динамо", "Бука", "Миробод", "Локомотив", шунингдек Ички ишлар вазирлигига қарашли иккита академик лицейдан жамоа иштирок этди. Мусобақада самбочилар 15 та вазн тоифасида беллашишди. Турнир якунига кўра ғолиб ва совриндорлар тақдирланди. 

Эътиборлиси, мусобақа якунлангач самбочи болакайлар учун махсус икки қаватли автобусларда шаҳар бўйлаб экскурсия ташкил этилди. Шаҳримизнинг диққатга сазовор бўлган жойларига ташриф болакайлар хотирасида бир умр ёдда қолишига шубҳамиз йўқ. 

Ўз навбатида биз янги самбо зали фаолиятида муваффақиятлар тилаймиз ва бу ердан янгидан-янги чемпионлар етишиб чиқишига тилакдошмиз.