25 янв 08:40
Янгиликлар

Спорт курашлари

Тошкент туман БЎСМда эркин курашчилар жам бўлди

Тошкент туман болалар-ўсмирлар спорт мактабида эркин кураш бўйича 2003-2005 йилларда ҳамда 2007-2008 йилларда туғилган 150 нафардан зиёд ўсмирлар ўртасида ўн кунлик ўқув-йиғин машғулоти бўлиб ўтмоқда.

Тошкент вилояти Жисмоний тарбия ва спорт бошқармаси, туман жисмоний тарбия ва спорт бўлими ҳамда туман болалар-ўсмирлар спорт мактаби ташаббуси билан ташкил этилган мазкур ўқув-машғулотида қўшни Қозоғистон Республикасидан ҳам ёш курашчилар иштирок этмоқда.

Мазкур машғулотларда эркин кураш бўйича икки карра жаҳон чемпиони, уч карра Осиё ўйинлари ғолиби Дилшод Мансуров ёшларга маҳорат сабоқларини беришда жонбозлик кўрсатмоқда. Мақсад – иқтидори юқори бўлган ёшларни саралаш ва жорий йилги халқаро мусобақаларда кучлилар қаторидан жой олиш.

Илҳом РАҲМОНОВ тайёрлади