Тошкент туманида каратэ бўйича "Keles-Оpen" халқаро турнири ўтказилади

Президентимиз томонидан илгари сурилган бешта муҳим ташаббуснинг иккинчи ташаббуси ижросини таъминлаш, мамлакатимизда ёшларни жисмоний тарбия ва спортга, хусусан, каратэ спорт турига кенг жалб этиш, истеъдодли ёшларни эрта аниқлаш, қолаверса, Осиё ва жаҳон чемпионатлари, олимпия ўйинларига муносиб номзодларни тарбиялаш мақсадида ташкил этилаётган мазкур мусобақада мамлакатимизнинг барча ҳудудларидан 5 ёшдан 18 ёшгача бўлган ўғил-қизлар иштирок этишади.

Шунингдек, халқаро турнирда қўшни Қозоғистон, Қирғизистон ҳамда Тожикистон давлатларидан келган спортчиларнинг қатнашиши кутилмоқда.

Мусобақани юқори савияда ўтказиш учун айни пайтда тайёргарлик ишлари олиб борилмоқда.

Илҳом РАҲМОНОВ тайёрлади