Тошкент вилояти белбоғли кураш федерацияси таркиби янгиланди

Унда Ўзбекистон белбоғли кураш федерацияси раиси Равшан Дастиров, белбоғли кураш бўйича миллий терма жамоа бош мураббийи Шавкат Мирзақулов, ҳакамлар ҳайъати раиси  Тошкентбой Яхшибоев, спортчилар ва мураббийлар иштирок этди.

Дастлаб, йиғилиш кун тартибидаги Тошкент вилояти белбоғли кураш федерацияси раислиги, вилоят федерациянинг раҳбарият таркиби, шунингдек, жамоа бош мураббийларини сайлаш каби масалалар кўриб чиқилди. 

Унга кўра, Тошкент вилояти белбоғли кураш федерацияси раиси лавозимига Паркент тумани ҳокими Сардор Исакулов сайланган бўлса, раиснинг икки нафар ўринбосари лавозимига тадбиркор Бекзод  Болтабаев ҳамда депутат Зокир Халмухамедов номзоди маъқулланди. Федерация ижрочи директори сифатида эса Тошкентбой Яхшибоев фаолият олиб борадиган бўлди. 

Шунингдек, катталар терма жамоа бош мураббийлиги Искандар Маҳаматовга, ёшлар терма жамоа бош мураббийилиги Баҳодир Шерановга топширилди. Федерация бош котиби сифатида Шаҳриддин Хайриддинов иш олиб борса, ҳакамлар ҳайъати раислиги Муҳаммад Турғуновга ишониб топширилди. 

Йиғилиш давомида Тошкент вилоятининг барча туман ва шаҳарларида белбоғли курашни ривожлантириш, ушбу ҳудуд спортчиларининг шуғулланишлари учун барча шароитларни яратиш, моддий-техник базани яхшилаш, ёш спортчилар орасида селекцион мусобақалар ўтказиш орқали иқтидорли полвонларни саралаш ва уларни терма жамоаларга жалб этиш, Осиё ва жаҳон чемпионатлари, халқаро турнирларда иштирокини таъминлаш каби масалалар атрофлича муҳокама қилинди.

Илҳом РАҲМОНОВ тайёрлади