Тошкентда Анвар Бойназаров иштирокида матбуот анжумани бўлиб ўтди

Матбуот анжуманида муайтай бўйича икки карра жаҳон чемпиони, "Glory" лигаси иштирокчиси Анвар Бойназаров, шунингдек, кикбоксинг бўйича "WAKO" йўналишида жаҳон чемпионлигини қўлга киритган Шер Мамазулуновлар иштирок этишди.

"Ушбу матбуот анжумани ташкил қилинганлиги учун катта миннатдорчилик билдирмоқчиман. Бугун илк маротаба юртимиздаги матбуот анжуманида қатнашдим.

Ватанимиздаги профессионал кикбоксингни ривожлантириш учун ўз ҳиссамни қўшмоқчиман", - деди Анвар Бойназаров.



Ўз ўрнида Шер Мамазулунов ҳам ватанимиз шаънини юксакларга кўтариш учун барча имкониятларни ишга солмоқчи эканлигини айтиб ўтди.

"Таклиф учун матбуот анжумани ташкилотчиларига миннатдорчилик билдираман. Бундан кейин бўладиган жангларимда ҳам ғалаба қозониб, мухлисларимизни хурсанд қиламан", - деди у.

Тадбир сўнггида спортчиларимиз ва уларнинг мураббийларига эсдалик совғалари топширилди.