Тошкентда Осиё-Океания самбо уюшмасининг Конгресси бўлиб ўтди

Бугун, 14 апрель куни Тошкент шаҳрида Осиё-Океания уюшмасининг навбатдаги Конгресси бўлиб ўтди.

Мазкур Конгрессда ташкилот президенти Аламжон Муллаев, Ўзбекистон Миллий олимпия қўмитаси бош котиби Ойбек Касимов, Ўзбекистон самбо ассоциацияси раиси Алишер Алимов, Халқаро самбо федерацияси расмийлари, Осиё-Океания самбо уюшмасига аъзо мамлакатлар делегатлари иштирок этишди.

Конгресс давомида бир қатор ташкилий масалалар кўриб чиқилди. Шу жумладан, ташкилотга янги президент сайлаш масаласи ҳам кун тартибидан ўрин олганди.

Унга кўра, ҳамюртимиз Аламжон Тўхтасинович Муллаев бир овоздан янги муддатга ташкилот президенти этиб сайланди. Шунингдек, Суреш Гопи бош котиб лавозимидаги фаолиятини давом эттирадиган бўлди.

Ўзбекистон самбо ассоциацияси раиси Алишер Рихсиваевич Алимов ташкилотнинг Марказий Осиё минтақаси бўйича вице-президенти лавозимига сайланди.

Конгресс давомида шунингдек ташкилотнинг бошқа масъул лавозимлари учун ҳам сайловлар бўлиб ўтди. Бир қатор ташкилий масалалар кўриб чиқилди.