Тошкентда қиличбозлик бўйича “Умид” мусобақаси старт олди

19 ёшгача бўлган ёш тоифасида ўтказиладиган мазкур мусобақа терма жамоамиз учун иқтидорли қиличбозларни кашф қилиб бериши билан муҳим аҳамият касб этади. Бу йилги беллашувларда Қозоғистон терма жамоаси вакиллари ҳам иштирок этмоқда.

Регламентга кўра, мусобақининг биринчи кунида шпага бўйича яккалик йўналишида ғолиб ва совриндорлар аниқлаб олинди. Қизиқарли ва муросасиз кечган жанглар якунида йигитлар ўртасида Ҳасан Бадунов, қизлар ўртасида эса Маржона Зубайдуллоева олтин медални қўлга киритди. Бугун жамоавий йўналишда ғолиб ва совриндорлар аниқлаб олинади. Эътиборингизга мусобақа жараёнидан олинган фотосуратларни ҳавола қиламиз: