Тошкентда самбо бўйича Осиё-Океания чемпионати старт олмоқда

Шу кунлари пойтахтимиз Тошкент шаҳрида самбо бўйича Осиё-Океания чемпионати ўтказилади. Беллашувлар "Ўзбекистон" ("Юнусобод") спорт мажмуасида ташкил этилади.

Баҳсларда Осиё ва Океания минтақасининг 25 га яқин мамлакатидан 600 нафардан ортиқ самбочи иштирок этиши кутилмоқда.

Мусобақа қуйидаги йўналишларда ташкил этилади:

-Катталар ўртасида самбо ва жанговар самбо (эркаклар ва аёллар)

-Ёшлар ўртасида самбо ва жанговар самбо (йигитлар ва қизлар)

-Ўсмирлар ва кадетлар ўртасида самбо (йигитлар ва қизлар)

-Кўзи ожизлар ва заиф кўрувчилар ўртасида самбо

-Спорт усталари (фахрийлар) ўртасида самбо 

Беллашувлар 14 апрель куни соат 9:00да старт олади. 

14 апрель куни соат 13:00да "Inspira" меҳмонхонасида Осиё-Океания самбо иттифоқининг Конгресси ташкил этилади. Унда бир қатор муҳим ташкилий масалалар кўриб чиқилиши кутилмоқда.

Мусобақанинг очилиш маросими 15 апрель куни соат 16:00да бошланади.