"Тоттенхэм" футболчилари Контенинг кетишини кутмоқда

18 март куни "шпорлар" "Саутгемптон"га қарши учрашувда 3:1 ҳисобида олдинда бориб, 3-қўшиб берилган дақиқада ғалабани бой берди. Бундан кейин интервьюда "Тоттенхэм" устози футболчиларни танқид қилиб, уларни худбин деб атади.

"Sky Sports"нинг ёзишича, "Тоттенхэм"нинг кўплаб футболчилари янги мавсумда янги мураббий қўл остида ишлашга тайёрланяпти. Уларнинг фикрича, Контенинг клубдан кетиши – вақт ҳукмидаги масала.

Футболчилар омадсизлик ва натижа учун жавоб беришга тайёрлар, аммо Конте ўйинчиларни худбин деб, чегарадан чиқди деб ҳисоблашмоқда.

Терма жамоалар ўйини туфайли юзага келган танаффусда "Тоттенхэм" раҳбари Дэниэл Леви ҳиссиётларга берилиб, кескин фикрлар билдиргани учну Контега нисбатан санкция қўллаш ёки қўлламаслик бўйича қарор чиқаради.

Эслатиб ўтамиз, "Тоттенхэм" АПЛда 28 ўйинда 49 очко тўплаб, 4-ўринни эгаллаб турибди. "Ньюкасл"да иккита ўйин кам ва 47 балл мавжуд.