Transylvania Open бош соврини Россияга кетди

Мусобақа бош соврини Анастасия Потаповага насиб этди. Россиялик теннис маликаси икки йиллик танаффусдан сўнг яна WTA турнири ғолибасига айланди. Дунёнинг 32-ракеткаси бўлиб келган Потапова финал учрашувида WTA рейтингида 72-поғонадан жой олган италиялик Лючия Бронцеттини уч сет натижасига кўра мағлубиятга учратди - 4/6, 6/1, 6/2.

Бу теннис маликаларининг ўзаро ўтказган бешинчи учрашуви бўлди - 5:0. Барча қарама-қаршиликларда Настя зафар қучган. Икки соату 3 дақиқа давом этган финал баҳсида Потапова 5, Бронцетти 1 та эс зарбасини амалга оширган. Анастасия фаолиятидаги учинчи совринини қўлга киритди. Transylvania Open турниридаги муваффақиятли иштирок унга 250 рейтинг очкоси ҳамда 36,300 доллар мукофот пули келтирди.