Тур де Франс. Роглич 19-босқич ғолиби!

Франция йўллари бўйлаб ўтказилаётган мусобақанинг 19-босқич пойгаси бўлиб ўтди. Лурд-Ларенс шаҳарлари оралиғидаги 200,5 км масофада ўтган пойгада Примож Роглич маррага биринчи бўлиб етиб келди ва ғолибликни қўлга киритди. 

Словаениялик велоспортчи белгиланган масофани 5 соату 28 дақиқа 17 сонияда босиб ўтди. Иккинчи ўринни пешқадамга 19 сония вақт бой берган британиялик Герейнт Томас эгаллади. Кучли учликка франциялик Ромен Барде якун ясади. Умумий босқич якунларига кўра ҳамон Герейнт Томас пешқадамлик қиляпти.

Тур де Франс. 19-босқич. Лурд-Ларенс, 200,5 км

1. Примож Роглич (Словения, LottoNL-Jumbo) – 5.28,17

2. Герейнт Томас (Буюк Британия, Sky) – 0,19

3. Ромен Барде (Франция, AG2R La Mondiale) 

Умумий босқич якунлари (19-босқич)

1. Герейнт Томас (Буюк Британия, Sky) – 79.49,31

2. Том Дюмолен (Голландия, Sunweb) – 2,05

3. Примож Роглич (Словения, LottoNL-Jumbo) – 2,24