"Тур де Франс"да иштирок этадиган "Tashkent City" аёллар велоспорт клуби Австралияга йўл олди

Аввалроқ, Ўзбекистон аёллар велоспорт терма жамоасининг асосини ташкил этувчи "Tashkent City" велоспорт клуби шоссе йўналишида Жаҳон кубогида иштирок этиш ҳуқуқини қўлга киритгани ҳақида хабар берган эдик.

Жамоамиз 2024 йилги Жаҳон кубогининг илк босқичи бўлмиш "Santos Tour Down Under Women’s World Tour" турнирида иштирок этиш мақсадида Австралияга йўл олди. Аёллар ўртасида жами 16 та клуб иштирок этадиган беллашувлар 12-14 январь кунлари ташкил этилади.

Унда Ўзбекистоннинг "Tashkent City" клуби қуйидаги таркибда иштирок этади: Ольга Забелинская, Янина Кускова, Мадина Қаҳҳорова, Маргарита Мисюрина, София Каримова, Нафосат Козиева.

Аёллар ўртасидаги беллашувлар уч босқичдан иборат бўлади. Дастлабки кунда велоспортчилар 93,9 км, иккинчи кунда 104,2 км, якуний босқичда эса 93,4 км масофани босиб ўтишлари талаб этилади. Бу Жаҳон кубоги босқичларидаги энг қийин мусобақа ҳисобланади.

Жамоамиз турнирда қуйидаги жерсида ҳаракат қилади:

Эслатиб ўтамиз, "Tashkent City" клубига 2022 йилда асос солинган. Мусобақа жараёнларини Olamsport.com сайтида кузатиб боринг!