12 ноя 13:54
Янгиликлар

Теннис

Туринда ўтказиладиган ATP Якуний турнирига қуръа ташланди

14 ноябрь куни Италиянинг Турин шаҳрида теннис бўйича ATP Якуний турнири старт олади.

Мусобақада дунё рейтингида кучли саккизталикдан жой олган ракетка усталари икки гуруҳга бўлинган ҳолда бош соврин учун баҳс олиб боришади. Қуръа натижасига кўра теннисчилар Яшил ва Қизил гуруҳлардан жой олишди.

"Яшил гуруҳ": Новак Жокович (Сербия), Стефанос Циципас (Греция), Андрей Рублёв (Россия), Каспер Рууд (Норвегия).

"Қизил гуруҳ": Даниил Медведев (Россия), Александр Зверев (Германия), Маттео Берреттини (Италия), Хуберт Гуркач (Польша).

Эслатиб ўтамиз, ATP Якуний турнирининг амалдаги ғолиби россиялик Даниил Медведев ҳисобланади. У айни пайтда дунёнинг иккинчи ракеткаси бўлиб турибди.