Турки Ал аш-Шейх Канело-Кроуфорд оқшомида 20 та жанг ўтказмоқчи

Турнир бош ташкилотчиси Турки Ал аш-Шейхнинг айтишича, асосий жанги Теренс Кроуфорд - Сауль Альварес бўлган оқшом кардидан жами 20 та жанг ўрин олади. Аммо бу жанглар бир кунда ўтказилмайди. 

"Андеркард жанглари 2-3 кун давомида ўтказилади. Ҳозир ихтиёримизда 20 тадан кўпроқ жанглар бор. Жангчиларнинг 95 фоизи иқтидорли ёшлардан иборат. Дунё бокс мухлислари бўлажак юлдузларнинг катта йўл аввалидаги жангларидан баҳраманд бўлишади. Мақсадимиз — истеъдодларга ўзини кўрсатиш учун имкон бериш", — деди Саудия Арабистони кўнгилочар Бош бошқармаси раҳбари, The Ring бренди эгаси Турки Ал аш-Шейх.

Маълумот учун, Сауль "Канело" Альварес ва Теренс Кроуфорд ўртасидаги жанг 65 000 томошабинни ўз бағрига сиғдира олувчи Allegiant Stadium аренада ўтказилади ва  Netflix стриминг сервиси томонидан трансляция қилинади.