"Turkish Open-2021". Нигора Турсунқуловада олтин, Чарос Қаюмова ва Шоҳрух Ражабов бронза медални қўлга киритди

Мусобақанинг иккинчи кунида -67кг вазн тоифасида ўзбекистонлик Нигора Турсунқулова барча рақибларни мағлуб этиб ОЛТИН МЕДАЛни қўлга киритди. Финалда ҳамюртимизга чехиялик Петра Столбова рақиблик қилди. Ҳал қилувчи баҳсда Турсунқулова 10:8 ҳисобида ғалабага эришди.

-53кг вазн тоифасида Чарос Қаюмова ярим финалга қадар етиб келди ва эронлик Ғазал Солтанига қарши ажойиб баҳс ўтказди. Афсуски сўнгги сонияларда омад рақиб томонида бўлди. Шундай қилиб Чарос Қаюмова мусобақанинг бронза медалини қўлга киритди! 

+87кг вазн тоифасида Шоҳруҳ Ражабов ярим финалга қадар етиб келди ва озарбайжонлик Радик Исаевга қарши даянга чиқди. Бироқ кутилмаганда бой берилган очко туфайли озарбайжонлик спортчи финалга чиқди. Шоҳруҳ Ражабов эса мусобақанинг бронза медалини қўлга киритди!