Туркманистон президенти кураш бўйича Жаҳон чемпионлари ва уларнинг мураббийларини Toyota автомобиллари билан тақдирлади + ФОТО

Туркманистон Республикаси Президенти Сердар Бердимуҳаммедов кураш бўйича катталар ўртасидаги XIV Жаҳон чемпионатида ғолиб бўлган курашчилар ва уларнинг мураббийларини тақдирлаш тўғрисидаги қарорга имзо чеккан эди.

Қарорга кўра, жаҳон чемпионатининг олтин медалини қўлга киритган беш нафар спортчи Toyota Fortuner, терма жамоанинг икки нафар мураббийи эса Toyota Camry автомобили билан тақдирланди. Мусобақада кумуш ва бронза медалларини қўлга киритган спортчиларга эса пул мукофотлари топширилган.

Ашхободда ташкил этилган тақдирлаш маросимида Халқаро кураш ассосиацияси президенти Ҳайдар Фармон ҳам иштирок этди.