Уайлдер Хелениусдан 17 кг енгил тош босди + ФОТО

Оқшомнинг асосий жанги супероғир вазн тоифасида собиқ жаҳон чемпиони, америкалик панчер Деонтей Уайлдер (42-2-1, 41 КО) ҳамда 38 ёшли финляндиялик Роберт Хелениус (31-3, 20 КО) ўртасида ўтказилади. 

Боксчилар эртанги жанг олдидан анъанага кўра тарозидан ўтиш маросимида иштирок этишди. Деонтей Уайлдер тарозида 97,3 килограмм, Хелениус эса 114,2 килограмм тош босган. Америкалик боксчи Тайсон Фьюрига қарши омадсиз жангидан кейин вазнга ташлашга ваъда берган эди ва ўз сўзининг устидан чиқди.

Уайлдер - Хелениус тўқнашуви Premier Boxing Champions оқшомининг марказий жанги бўлади. Ғолиб боксчи WBC чемпионлик камарига расмий даъвогарга айланади. 

Эслатиб ўтамиз, Уайлдер охирги марта 2021 йилнинг октябрь ойида Тайсон Фьюрига қарши рингга кўтарилган ва 11-раундда нокаут билан ютқазганди. Хелениус эса сўнгги бор 2021 йил октябрь ойида Адам Ковнацкини муддатидан олдин мағлубиятга учратган.