Учинчи олтин медалига эга чиққан Ўзбекистон жадвалда сезиларли даражада кўтарилди + ЖАДВАЛ

Бугунги беллашувларда паралимпиячиларимиздан Нозимахон Қаюмова ва Моҳигул Ҳамдамова терма жамоамизга иккита олтин медални тақдим этди. Элбек Султонов эса бронза медалига сазовор бўлди. 

Шу тариқа, Ўзбекистон спорт делегацияси медаллар жамғариш бўйича 3 та олтин, 1 та кумуш, 2 та бронза медали билан 12-ўринга кўтарилиб олди. Уч нафар парадзюдочимизнинг финалда татамига чиқишини инобатга олсак, бугунги кунни Топ-10да якунлашимиз мумкинлиги ойдинлашади. 

Медаллар жамғариш бўйича умумий жадвалда Хитой терма жамоаси катта фарқ билан пешқадамлик қиляпти. Чин юрти паралимпиячилари ҳозиргача 20 та олтин, 12 та кумуш, 17 та бронза, жами 49 та медални қўлга киритиб улгуришди.