Учта Олимпиадада ишлаган шифокоримиз ҳаммасига улгуряпти ФОТОРЕПОРТАЖ

Аввал хабар берганимиздек, Ўзбекистон спорт курашлари ассоциацияси мутасаддилари, мураббийлар, ходимлар ўз вазифаларини масофадан олиб боришяпти. 

Айниқса, бундай синовли кунларда шифокорларимизга катта масъулият юкланади. Бежизга уларга нисбатан оқ либосдаги фаришталар, кун қаҳрамонлари таъриф берилмаяпти. Улар туну кун ҳамюртларимизнинг саломатликлари ҳақида қайғуришмоқда. 

Хусусан, спорт тиббиёти шифокорлари ҳам шу кунларда ҳар доимгидан икки ҳисса кўп ишлашяпти. Ўзбекистон спорт курашлари ассоциацияси томонидан телеграмда махсус саҳифа очилган бўлиб, олий ҳамда халқаро тоифадаги шифокоримиз, учта Олимпиадада ишлашга муваффақ бўлган Елена Абаева кун давомида эркин, юнон-рим ва аёллар кураши бўйича терма жамоамиз аъзолари ҳамда номзодларининг ҳолатидан хабар бўлиб туради. 

"Ҳар бир спортчининг қандай нафас олишигача биз учун муҳим. Курашчиларимиздан карантинга тўлиқ амал қилишларини, ҳар куни икки маҳалдан тана ҳарорати ва юрак уриш пульсини ўлчашлари ҳамда махсус телеграм каналимизга жўнатишларини талаб қиламиз. Ҳеч биримизнинг хотиржамликка берилишга ҳаққимиз йўқ. Бундан ташқари, карантиндан унумли фойдланган ҳолд ўз билимларимизни ошиб боряпмиз. Хориждаги ҳамкасбларимиз билан мулоқот орқали фикр ҳамда тажриба алмашяпмиз. Уй ишлари, бадантарбия машқлари,  пишир-куйдир дегандек, ҳаммасига улгуряпмиз", - дейди Елена Алексеевна.