УEФА “Интер“- “Барселона“ учрашувидаги ҳакамликка муносабат билдирди

Манбага кўра, УEФА “Барселона“ бош мураббийи Ханс-Дитер Флик ва  айрим футболчиларининг танқидига қарамай, Чемпионлар лигаси ярим финалидан ўрин олган “Интер” – “Барселона” (4:3) жавоб ўйини бош ҳаками Шимон Марцинякни қўллаб-қувватлашини билдирди.

УEФА полшалик ҳакам учрашувда баҳс натижасига таъсир қиладиган ҳеч қандай хатога йўл қўймаган деб ҳисоблаб, ҳакамга ҳеч қандай эътироз билдирмаган.

Эслатиб ўтамиз, “Интер“ ва “Барселона“ ўртасидаги ўйиндан сўнг испан жамоаси ҳимоячиси Иниго Мартинес Шимон Марцинякнинг ҳакамлигини шармандалик деб атади. Флик ўйиндаги қарорлар доим “Интер“ фойдасига қабул қилинганини таъкидлаганди.