UFC 275 турнирининг бонус соҳиблари маълум

Эътиборлиси, бу сафар одатдагидек 4 эмас, 5 нафар жангчи кафолатланган гонорардан ташқари қўшимча 50 000 долларлик бонус, яъни мукофот пулини қўлга киритишди. 

Кутилганидек, оқшомнинг энг яхши жанги сифатида яримоғир вазн тоифасида кечган бразилиялик Гловер Тейшера ҳамда чехиялик Иржи Прохазка тўқнашуви тан олинди. Турнирнинг марказий ва шу билан бирга қонли жангида Иржи ўзидан 13 ёшга катта рақибини бўғиш усули эвазига мағлуб этиб, дивизионнинг янги чемпионига айланди. Ҳар икки жангчи 50 00 долларлик чекка эга бўлишди. 

Шунингдек, Сильвана Хуарес (Ня Лянни нокаутга учратган), Махешат Хайсаер (Стив Гарсияни мағлуб этган), Жек Делла Маддалена (Рамазан Эмеевни биринчи раундда техник нокаутга учратган), Жейк Мэттьюс (Андрэ Фиальони таслим этган) ва Чжан Вэйли (Йоанна Енджейчикни нокаутга учратган) ҳам бонусни қўлга киритди.