29 авг 08:14
Янгиликлар

Бокс/ММА

UFC 322 турнирининг co-main event жанги ҳам эълон қилинди + ПОСТЕР

Хабар берганимиздек, 15 ноябрь куни Жек Делла Маддалена ва Ислам Махачев ўртасида яримўрта вазн чемпионлиги учун жанг бўлиб ўтади.

Нью-Йорк шаҳридаги Madison Square Garden аренасида ўтказиладиган ушбу жанг UFC 322 турнирининг асосий тўқнашуви бўлади. Промоушен раҳбари Дана Уайт ушбу турнирнинг co-main event жангини ҳам расман эълон қилди.

Аҳамияти жиҳатидан оқшомнинг иккинчи жанги ҳам чемпионлик мақомида бўлади. Қирғизистонлик аралаш яккакураш устаси Валентина Шевченко ўта енгил вазндаги чемпионлик камарини хитойлик Вейли Чжандан ҳимоя қилади. Вейли худди Ислам сингари вазнини кўтариб, Валентинанинг камарини тортиб олиш учун уриниб кўради. Бунинг учун у ўзига тегишли минимал вазндаги чемпионлик камарии вакант, яъни эгасиз қолдирди.